一個願打，一個願捱

八卦新聞話周慧敏個男友倪震偷食後生女，周小姐發火又傷心，倪生就努力箍煲。而佢地朋友如古巨基就唔敢評論，而個乜乜相士就話倪震係酒後亂左本性……

計我話倪生本性exactly就係咁，恃住口甜舌滑，又有少少錢，自然有女埋身。呢個唔使多講了。講返周小姐果邊，都係頭先果個相士，話佢地花槍最多耍六十日，之後會好返喎。睇返周小姐都成四十一歲了，雖然兩個都未結到婚，其實佢係認左咁了。事實婚姻，係咪？倪生咁大個人，唔會改的了。周小姐要嬲，一早嬲死左幾十次。如果要分手都唔睇呢次啦，以前有D咪仲激，今次只不過酒吧咀下，有乜大不了？

所以佢地兩個，係一個願打，一個願捱，我地觀眾亦已經睇厭。最後，如果我係古巨基，我會私底下勸周小姐飛左條友，眼不見心靜。怕嫁唔出？驚咩呢，你睇劉嘉玲李嘉欣甚至陳慧琳都嫁到，貴為玉女掌門的周慧敏會驚無人要？